راولپنڈی( )راولپنڈی پولیس کا اہم اقدام،ٹرانسجینڈرز کے لئے باقاعدہ سکول کلاسز کا آغاز،ٹرانسجینڈرز کے لئے اسلامیہ ہائر سیکنڈری سکول لیاقت باغ میں خصوصی کلاسز کا آغاز کیا جا چکا ہے،سکول کا مقصد ٹرانسجینڈرز کو تعلیم کے بنیادی حق کی فراہمی ہے، سکول سے تعلیم حاصل کرنے کے بعد ٹرانسجینڈرز معاشرہ کے زیادہ کارآمد شہری بن سکیں گے، تحفظ ٹرانسجینڈر سینٹر کے ذریعے 100 سے زائد ٹرانسجینڈرز کو نوکری اور باعزت روزگار کے مواقع فراہم کئے جا چکے ہیں۔تفصیلات کے مطابق راولپنڈی پولیس کا اہم اقدام،ٹرانسجینڈرز کے لئے باقاعدہ سکول کلاسز کا آغازکردیا،ٹرانسجینڈرز کے لئے اسلامیہ ہائر سیکنڈری سکول لیاقت باغ میں خصوصی کلاسز کا آغاز کیا جا چکا ہے، ٹرانسجینڈرز سکول کے آغاز کے لئے ضلعی انتظامیہ اور محکمہ تعلیم نے بھی معاونت فراہم کی ہے،پاکستان میں پہلی مرتبہ ٹرانسجینڈرز کی تعلیم کے لئے موثر اقدام اٹھایا گیا ہے، تحفظ ٹرانسجینڈر سینٹر کی طرح پاکستان کا پہلا ٹرانسجینڈر سکول بھی راولپنڈی پولیس نے قائم کیا ہے، ٹرانسجینڈرز افراد سکول میں ابتدائی تعلیم حاصل کر رہے ہیں، ابتدائی طور پر 52 ٹرانسجینڈرز سکول میں تعلیم حاصل کر رہے ہیں،سکول کا مقصد ٹرانسجینڈرز کو تعلیم کے بنیادی حق کی فراہمی ہے، سکول سے تعلیم حاصل کرنے کے بعد ٹرانسجینڈرز معاشرہ کے زیادہ کارآمد شہری بن سکیں گے، تعلیم سے معاشرہ اور مذہب کو سمجھنے کی صلاحیت میں اضافہ ہو گا، تعلیم حاصل کرنا باعزت روزگار کی جانب پہلا قدم ہو گا،ٹرانسجینڈرز باقاعدہ کلاسز میں تعلیم حاصل کر رہے ہیں، ٹرانسجینڈرز کے تحفظ اور حقوق کی فراہمی کے لئے تمام اقدامات اٹھائے جا رہے ہیں، تحفظ ٹرانسجینڈر سینٹر کے ذریعے 100 سے زائد ٹرانسجینڈرز کو نوکری اور باعزت روزگار کے مواقع فراہم کئے جا چکے ہیں، راولپنڈی پولیس ٹرانسجینڈرز کے حقوق کے تحفظ کے لئے ہمیشہ ایک قدم آگے رہی ہے۔
