پاکستان تحریک انصاف نے عالمی مالیاتی فنڈ (آئی ایم ایف) کو خط لکھ دیا۔ غیر ملکی خبرایجنسی کے مطابق پی ٹی آئی نے خط میں آئندہ بیل آوٹ پیکیج کیوقت پاکستان کیسیاسی استحکام کو مدنظررکھنے کی درخواست کی ہے۔
خبرایجنسی نے پاکستان تحریک انصاف کے دو اعلی ذرائع کے حوالے سے رپورٹ کیا ہے۔ پی ٹی آئی ذرائع کا کہنا ہے کہ پی ٹی آئی نیعالمی مالیاتی ادارے کو خط بھیج دیا ہے اور خط میں بانی پی ٹی آئی نے اپنا مقف واضح کیا ہے۔
پی ٹی آئی ذرائع کے مطابق خط کی مزید تفصیلات عوامی سطح پر بتائی جائیں گی۔ خبر ایجنسی نے بتایاکہ آئی ایم ایف نیخط کے حوالے سے بھیجی گئی ای میل کا جواب نہیں دیا۔
خیال رہے کہ گزشتہ دنوں عمران خان نے آئی ایم ایف کو خط لکھے جانے کی تصدیق کی تھی اور اڈیالا جیل کے کمرہ عدالت میں صحافیوں سے غیر رسمی گفتگو کرتے ہوئے کہا تھاکہ آئی ایم ایف کو خط لکھ دیا ہے، آج خط چلا گیا ہو گا۔ ان کا کہنا تھا کہ اگر ایسے حالات میں ملک کو قرضہ ملا تو قرضے کو واپس کون کرے گا، اس قرض سے غربت بڑھے گی، جب تک سرمایہ کاری نہ ہو قرض بڑھتا چلا جائے گا۔
