اسپیکر سردار ایاز صادق کی زیر صدارت قومی اسمبلی کی ہائوس بزنس ایڈوائزری کمیٹی کا اجلاس ،ایڈوائزری کمیٹی کی قومی اسمبلی کے نویں اجلاس کے ایجنڈے اور دورانیے کے حوالے سے بات چیت ،قومی اسمبلی کا مورخہ 26اگست سے شروع ہونے والے اجلاس کا دورانیہ دو ہفتے رکھنے کی تجویز،ضرورت پڑنے پر قومی اسمبلی کے نویں اجلاس کے دورانیے میں ردوبدل کیا جا سکتا ہے
پارلیمنٹ کا مشترکہ اجلاس اگلے ہفتے بدھ یا جمعرات کو طلب کرنے کی تجویز ۔وزیر قانون اعظم نذیر تارڑ نے کہا کہ مشترکہ اجلاس میں کوئی آئینی ترمیم نہیں ہو سکتی، اس حوالے سے تمام خبریں بے بنیاد ہیں۔ اجلاس میں ختم نبوت سے متعلقہ کیس کے حوالے سے پارلیمان، علما اور دیگر کے کردار کی تعریف ۔ اسپیکر نے کہا کہ ختم نبوت ایمان کا حصہ ہے، اس پر کوئی سمجھوتہ نہیں ہو سکتا ۔اجلاس میں ڈپٹی اسپیکر سید غلام مصطفی شاہ ، وفاقی وزیر قانون اعظم نذیر تارڑ ، ممبران قومی اسمبلی سید نوید قمر ، شیخ آفتاب احمد ، شہلا رضا، طارق فضل چوہدری، اعجاز حسین جاکھرانی ، نزہت صادق، خالد حسین مگسی ، نور عالم خان، شگفتہ جمانی ، گوہر علی خان، ملک عامر ڈوگر، سید امین الحق، علی محمد خان ، زرتاج گل اور سید حفیظ الدین بھی شریک ہوئے ۔
