کراچی (ٹی این ایس)( رپورٹ : پیر بخش نوناری ) سندھ صوفیائے کرام اور درویشوں کی سرزمین ہے، جنہوں نے ہمیشہ امن، پیار اور محبت کا درس دیا ہے۔ جاوید صبغت اللہ مہرزائرین اور معتمرین کو ضروری سہولیات کی فراہمی محکمہ اوقاف کی اولین ترجیحات میں شامل ہے۔ صوبائی سیکرٹری اوقاف صوبائی سیکریٹری برائے اوقاف، مذہبی امور، زکوات و عشر جاوید صبغت اللہ مہر نے کہا ہے کہ سندہ صوفی بزرگوں اور درویشوں کی دھرتی ہے، جنہوں نے ہمیشہ پیار، محبت، امن، رواداری، بھائی چارے اور اخوت کا درس دیا ہے، ان کی دی ہوئی تعلیم پرعمل کرنا ہمارے فرائض میں شامل ہے، بزرگوں کی درگاہیں روحانیت اور فیض کی ندیاں اور ہم سب کا قیمتی اثاثہ بھی ہیں۔ ان خیالات کا اظہار انہوں نے سندھ کے عظیم بزرگ حضرت عبداللہ شاہ اصحابی کی مزار پر چادر چڑھاکر دعا مانگنے کے بعد بات چیت کرتے ہوئے کیا۔ انہوں نے کہا کہ درگاہوں پر زائرین و عقیدتمندوں کو سہولیات فراہم کرنا محکمہ اوقاف کی اولین ترجیحات میں شامل ہے۔ صوبائی سیکریٹری نے کا کہنا تھا کہ درگاہوں کے تقدس کو ہر صورت میں برقرار رکھا جائے گا۔ اس موقع پر انہوں نے درگاہ کے احاطے میں تعمیر کئے گئے شیلٹرز کا معائنہ کیا جبکہ زائرین کیلئے نئے مسافر خانہ اور کمروں کے تعمیراتی کام میں سست روی پر برہمی کا اظہار کرتے ہوئے متعلقہ افسران کو موقع پر ہی ہدایت کی کہ مسافر خانہ اور کمروں کی تعمیر سمیت واش رومز کی مرمت کیلئے فوری طور پر اقدامات اٹھائے جائیں تاکہ زائرین کو بہتر سہولیات مہیا ہو سکیں۔ انہوں نے محکمہ اوقاف کے افسران کو ہدایت کی کہ 12 تا 14 فروری 2025ء تک جاری رہنے والے حضرت عبداللہ شاہ اصحابی کے سالانہ عرس مبارک کے موقع پر دربار کے اطراف کی مانیٹرنگ کیلئے سی سی ٹی وی کنٹرول روم کے قیام اور واک تھرو گیٹس کی تنصیب سمیت زائرین و عقیدتمندوں کی سہولیات کیلئے پینے کے صاف پانی، وضوء، واش رومز، مسافر خانہ، لنگر و دیگر مطلوبہ انتظامات کو یقینی بنایا جائے تاکہ زائرین کو کسی بھی قسم کی پریشانی کا سامنہ نہ کرنا پڑے۔ بعد ازیں، صوبائی سیکریٹری جاوید صبغت اللہ مہر نے مخدوم محمد ہاشم ٹھٹھوی لائبرری مکلی کا دورہ کرکے صورتحال کا جائزہ لیا۔ اس موقع پر انہوں نے چیف ایڈمنسٹریٹر اوقاف کو ہدایت کی کہ لائبرری کی مرمت، تزئین و آرائش کا کام شروع کرکے مکمل کیا جائے تاکہ لائبرری کو فعال بنایا جا سکے۔
