اسلام آباد (ٹی این ایس) پولیس، سی ڈی اے اور ریونیو ڈیپارٹمنٹ کے عملہ پر بری امام کچی آبادی میں سروے کے دوران مشتعل افراد کا حملہ فائرنگ اور پتھراو سے پولیس افسران زخمی، ٹیمیں قانون کے مطابق علاقے میں پُرامن طور پر کام میں مصروف تھیں۔اسی دوران مقامی افراد نے سروے ٹیموں پر بلا اشتعال فائرنگ اور پتھراؤ شروع کر دیا۔ جس کے نتیجے میں لاٹھی چارج کے دوران پولیس اہلکاران سمیت افسران زخمی ہو گئے۔ تمام زخمی افسران کو فوری طور پر علاج معالجے کے لیے قریبی ہسپتال منتقل کر دیا گیا پولیس واقعہ میں ملوث عناصر کے خلاف سخت قانونی کارروائی عمل میں لا رہی ہے۔ قانون نافذ کرنے والے اداروں پر حملہ ناقابلِ برداشت ہے، شہریوں کے جان و مال کے تحفظ کے لیے ہر ممکن اقدام کیا جائے گا
