اسلام آباد ستمبر 28 (ٹی این ایس)وزیر اعظم کے معاون خصوصی ڈاکٹر مصدق ملک نے کہا ہے کہ نئے این آر او کے سلسلے میں خبروں میں کوئی صداقت نہیں الزامات لگانے والے بتائیں این آر او کس کے ساتھ کر رہے ہیں۔ ایک انٹرویو میں انہوں نے کہا کہ اس قسم کے الزامات سے کسی کو بھی فائدہ نہیں ہوگا۔ معاون خصوصی نے کہاکہ پی ٹی آئی نے سیاست میں الزامات اور گالم گلوچ کا کلچر متعارف کروایا ہے اور اس قسم کا کلچر ملک و قوم کے مفاد میں نہیں ، ایک سوال کے جواب میں ڈاکٹر مصدق ملک نے کہا کہ محمد نواز شریف پر کرپشن کے الزامات میں کوئی صداقت نہیں یہی وجہ ہے کہ ان پر کرپشن کا کوئی کیس ثابت نہیں ہوا ٗمحمد نواز شریف کو اقامہ رکھنے پر نااہل کیا گیا ، ایک اور سول کے جواب میں انہوں نے کہا کہ انتخابی اصلاحات کا بل پارلیمنٹ سے منظور ہو چکا ہے جس سے انتخابی عمل میں یقیناًشفافیت آئیگی۔
