اسلام آباد (ٹی این ایس) ایس ایچ او تھانہ لوہی بھیر محمد یوسف جٹ کی اہم کارروائی، 13 سالہ بچی کے ساتھ نازیبا حرکات کرنے والا ملزم گرفتار
انسپکٹر جنرل اسلام آباد پولیس سید علی ناصر رضوی کے خصوصی احکامات کی روشنی میں اسلام آباد پولیس جرائم پیشہ عناصر کے خلاف بھرپور کارروائیاں جاری رکھے ہوئے ہے۔
تفصیلات کے مطابق ایس پی سواں زون خرم اشرف اور ایس ڈی پی او سہالہ سرکل کی ہدایات پر ایس ایچ او تھانہ لوہی بھیر سب انسپکٹر محمد یوسف جٹ نے اے ایس آئی ظفر اقبال اور اپنی ٹیم کے ہمراہ بروقت اور مؤثر کارروائی کرتے ہوئے 13 سالہ بچی کا راستہ روک کر اس کے ساتھ نازیبا حرکات کرنے والے ملزم محمد مبین ولد اللہ نواز کو جدید تکنیکی ذرائع اور ہیومن انٹیلیجنس کی مدد سے گرفتار کر لیا۔
پولیس کے مطابق ملزم کے خلاف تھانہ لوہی بھیر میں مقدمہ نمبر 524/26 مورخہ 30 جولائی 2026 بجرم دفعہ 354، 341، 506 اور 509 تعزیراتِ پاکستان درج کر کے اسے پابندِ سلاسل کر دیا گیا ہے، جبکہ واقعے کی مزید تفتیش جاری ہے۔
ایس ایچ او محمد یوسف جٹ کا بیان: “اسلام آباد پولیس خواتین اور بچوں کے تحفظ کو اپنی اولین ترجیح سمجھتی ہے۔ ایسے جرائم میں ملوث عناصر کے ساتھ کسی قسم کی رعایت نہیں برتی جائے گی۔ قانون ہاتھ میں لینے والوں کو انصاف کے کٹہرے تک پہنچانا ہماری ذمہ داری ہے، جبکہ شہری بلا خوف و خطر کسی بھی جرم کی فوری اطلاع پولیس کو دیں۔”
شہریوں کے تاثرات: اہلِ علاقہ اور سول سوسائٹی کے نمائندوں نے تھانہ لوہی بھیر پولیس کی بروقت اور مؤثر کارروائی کو سراہتے ہوئے کہا کہ ایسے عناصر کے خلاف فوری کارروائی سے عوام کا پولیس پر اعتماد مزید مضبوط ہوا ہے۔ شہریوں نے آئی جی اسلام آباد سید علی ناصر رضوی اور ایس ایچ او محمد یوسف جٹ کی قیادت میں پولیس کی کارکردگی کو قابلِ تحسین قرار دیتے ہوئے مطالبہ کیا کہ خواتین اور بچوں کے خلاف جرائم میں ملوث ملزمان کو قانون کے مطابق سخت سزا دی جائے تاکہ معاشرے میں ایسے واقعات کی روک تھام ممکن ہو۔
