اسلام آباد اکتوبر 10(ٹی این ایس) ننکانہ صاحب میں بابا گرونانک یونیورسٹی قائم کرنے کے لئے فوری اقدامات کی قرارداد قومی اسمبلی نے منظور کرلی۔
منگل کو قومی اسمبلی میں ڈاکٹر شذرا منصب علی خان نے ننکانہ صاحب میں بابا گرونانک یونیورسٹی قائم کرنے کے لئے فوری اقدامات کرنے کی قرارداد پیش کی۔ شیخ آفتاب نے اس کی مخالفت نہیں کی۔ ڈپٹی سپیکر نے قرارداد منظوری کے لئے پیش کی جس کی ایوان نے منظوری دے دی۔
