نیویارک اکتوبر 27(ٹی این ایس)اقوام متحدہ میں پاکستان کی مستقل مندوب ملیحہ لودھی نے واضح کیا ہے کہ پاکستان بھارت کی کسی بھی جارحیت کا منہ توڑ جواب دینے کیلئے تیار ہے ٗپاکستان کشمیری عوام کی اخلاقی ٗ سفارتی اور سیاسی حمایت جاری رکھے گا۔مقبوضہ کشمیرمیں بھارتی فوجی قبضے کے70 برس مکمل ہونے پراقوام متحدہ میں پاکستان کی مستقل ملیحہ لودھی نے ایک انٹرویو میں کہا کہ کشمیرکا ہر دن ایک سیاہ دن ہے، 70 برس سے کشمیری عوام اقوام متحدہ کی قراردادوں پرعمل کے منتظرہیں ٗمسئلہ کشمیرکے حل کے حوالے سے اقوام متحدہ کی قراردادیں امن کے قیام کا واحد راستہ ہیں، بھارت ایسی مہم جوئی سے باز رہے جو خطے میں امن کے لیے نقصان دہ ہے جب کہ بھارت کی کسی بھی جارحیت کا منہ توڑجواب دینے کیلئے تیار ہیں۔ملیحہ لودھی نے کہا کہ کشمیر پر بھارت کے ناجائز قبضے کے خلاف پاکستان کشمیری عوام کی جدوجہد کو حمایت کرتارہے گا ٗمسئلہ کشمیر کا پرامن حل جنوبی ایشیا میں امن و استحکام کی ضمانت ہے ٗکشمیرسے توجہ ہٹانے کے لیے بھارت ایل او سی کی خلاف ورزی کررہا ہے۔ انہوں نے کہا کہ بھارت کے ظلم سے ایک لاکھ کشمیری شہید ہوئے، بھارت وہ ملک ہے جس نے اجتماعی طورپر کشمیریوں کو بینائی سے محروم کیا جبکہ پاکستان سیاسی، سفارتی اور اخلاقی طورپرکشمیریوں کے حق خودارادیت کو سپورٹ کرتا رہے گا۔
