اسلام آباد نومبر 17(ٹی این ایس) وزیراعظم شاہد خاقان عباسی نے فیڈرل بورڈ آف ریونیو( ایف بی آر) میں نااہل اور بدعنوان افسران کی تعیناتی کا نوٹس لے لیا۔نجی ٹی وی کے مطابق وزیراعظم ہاؤس کی جانب سے ایک خط لکھا گیا کہ جس میں گریڈ 18 ٗ19اور 20کے چند افسران کے نام بھی مثال کے طور پر شامل کیے گئے ہیں۔خط کے مطابق ان افسران کاتعلق کسٹم سروسز ان لینڈ ریونیواور ایف بی آر کیڈر سے ہے ٗ افسران پرکرپشن، بوگس ریفنڈاور ٹیکس دہندگان کے لیے سہولت کاری کا الزام ہے۔خط میں کہا گیا کہ ان افسران کے خلاف 2013 میں ڈسپلن کی خلاف ورزی پر انکوائریوں کاحکم دیاگیاتھا۔
