اسلام آبادٖ، فروری 13 (ٹی این ایس):سابق صدرپاکستان اور پاکستان پیپلزپارٹی پارلیمنٹیرین کے صدر آصف علی زرداری سے زرداری ہاؤس میں مسلم لیگ(ن) کوہاٹ ڈویژن کے صدر فرہاد حسین خٹک اور اے این پی کی رہنما ساجدہ خٹک نے ملاقات کرکے پاکستان پیپلزپارٹی میں شمولیت کا اعلان کیا۔ سابق صدر سے پیر آف ذاکرآباد ٹوبہ ٹیک سنگھ سجادہ نشین سید خرم عباس گیلانی نے بھی ملاقات کرکے پاکستان پیپلزپارٹی میں شمولیت کا اعلان کیا۔ اس موقع پر سینیٹر فرحت اللہ بابر، سینیٹر اسلام دین شیخ، پیپلزپارٹی کے پی کے صدر ہمایوں خان اور فیصل کریم کنڈی بھی موجود تھے۔ سابق صدر نے سید خرم عباس گیلانی ، فرہاد خٹک اور ساجدہ خٹک کی پیپلزپارٹی میں شمولیت کا خیرمقدم کیا۔
