پیرس مارچ 17(ٹی این ایس)فرانس کے آرمی چیف جنرل فرنسو لوکوانٹر نے کہاہے کہ ان کا ملک شام میں تنہا کامیاب فوجی کارروائی کی صلاحیت رکھتا ہے۔فرانسیسی ٹی وی کو انٹرویومیں انہوں نے خبردار کیا کہ اگر شام میں سرخ لکیر کو پامال کیا گیا تو فرانس اس پر خاموش نہیں رہے گا۔انہوں نے کہاکہ فرض کریں کہ صدرعمانویل ماکروں نے شام میں جس چیز کو سرخ لکیر قرار دیا ہے۔ اسے پامال کیاجاتا ہے تو ہماری فوج خاموش کیسے رہے گی۔ ان کا کہنا تھا کہ ہم فی الحال شام میں کسی فوجی مہم جوئی کے حوالے سے اپنے پلان کی تفصیلات جاری نہیں کریں گے۔فرانسیسی فوج کے سربراہ نے بھی کہا کہ اگر شام میں فوجی کارروائی ضروری ہوئی تو وہ اپنے اتحادی امریکا کے ساتھ مل کر کارروائی کرے گا۔ اس کے علاوہ فرانس تنہا بھی شام میں کارروائی کرسکتا ہے۔
