واشنگٹن، اپریل 19(ٹی این ایس): امریکا نے پاکستان کے ساتھ عوامی سطح پر بہترروابط کے لیے محکمہ خارجہ میں پہلی بار اردو ترجمان کی تقرری کی ہے۔میڈیارپورٹس کے مطابق حال ہی میں تعینات ہونے والی اردو ترجمان ہیلینا وائٹ نے کہاکہ اس اقدام سے باہمی تعلقات میں بہتری آئے گی اور ایک دوسرے کو سمجھنے میں مدد ملے گی۔ہیلینا وائٹ کا کہنا تھاکہ امریکا اور پاکستان کا رشتہ 70سال سے قائم ہے، امریکی پالیسی پاکستان پر واضح کرنا ضروری ہے چونکہ یہاں اردو بولنے والوں کی تعداد بہت زیادہ ہے لہذا امریکی وزارت خارجہ میں اردو ترجمان کی تعیناتی اشد ضروری تھی۔
