سٹاک ہوم اپریل 21(ٹی این ایس) سویڈن میں قائم بین الاقوامی نوبل کمیٹی کے ایک اور رکن نے استعفیٰ دے دیا، جس کے بعد جنسی اسکینڈل کے باعث استعفیٰ دینے والے ارکان کی تعداد چھ ہو گئی ہے۔میڈیارپورٹس کے مطابق نوبل کمیٹی کی رکن لوٹا ٹاس نے اٹھارہ رکنی پینل سے استعفے کے لیے باضابطہ درخواست دی۔ ان کا کہنا تھا کہ کمیٹی کی رْکن کیٹرینا فروسٹنسن کی طرف سے ایک شادی شدہ رکن کے جنسی ہراسگی کے اسکینڈل پر انہیں سخت صدمہ ہے۔فرونسٹنسن اور کونسل کے مستقل سیکرٹری سے گذشتہ ہفتے استعفیٰ لے لیا گیا تھا۔ قبل ازیں فروسٹنسن سے استعفیٰ نہ لینے پر کمیٹی کے تین ارکان مستعفی ہوگئے تھے۔سویڈن کے بادشاہ نے ایک بیان میں کہا تھا کہ وہ استعفوں کے معاملے سے نمٹنے کے لیے اکیڈمک ضابطہ اخلاق میں تبدیلی کے لیے پرعزم ہیں۔
