کراچی ،اپریل 25(ٹی این ایس):امریکی ڈالر کی قدر میں اضافے کو بریک نہ لگائی جا سکی جس کے باعث قیمت پاکستان کی تاریخ کی بلدن ترین سطح پر پہنچ گئی ہے۔ تفصیلات کے مطابق اوپن کرنسی مارکیٹ میں پاکستانی روپے کے مقابلے میں امریکی ڈالر کی قدر میں اضافے کا تسلسل جاری ہے۔ بدھ کو امریکی ڈالر اوپن مارکیٹ میں روپے کے مقابلے میں مزید ایک روپیہ مہنگا ہونے سے 119روپے 50 پیسے کی بلند ترین سطح پر پہنچ گیا۔ فاریکس ڈیلرز کے مطابق انٹربینک میں ڈالر 115 روپے 62 پیسے کی سطح پر برقرار ہے۔ جبکہ انٹربینک اور اوپن مارکیٹ میں ڈالر کا فرق 3 روپے 88 پیسے کا ہوگیا ہے۔ واضح رہے کہ یہ پہلا موقع ہے جب پاکستان میں ڈالر کی قدر اتنی بلند ترین سطح تک پہنچ گئی ہے۔
