عمران خان کی کیس کو جارحانہ انداز میں لڑنے پر عثمان ڈار کو شاباش ٗ فیصلے کے بعد پھر ملاقات کی ہدایت
اسلام آباد اپریل 26(ٹی این ایس)چیئرمین تحریک انصاف عمران خان نے کہا ہے کہ خواجہ آصف نے خود ووٹ کے تقدس کو پامال کیا۔ جمعرات کو چیئرمین پی ٹی آئی عمران خان سے بنی گالہ میں پارٹی رہنما عثمان ڈار نے ملاقات کی جس میں خواجہ آصف نا اہلی کیس کے ممکنہ فیصلے پر مشاورت کی گئی۔عمران خان نے کیس کو جارحانہ انداز میں لڑنے پر عثمان ڈار کو شاباش دی اور فیصلے کے بعد پھر ملاقات کی بھی ہدایت کی۔اس موقع پر گفتگو کرتے ہوئے عمران خان کا کہنا تھاکہ یہ کیس کسی کی ذات کا نہیں ٗپاکستان کے مستقبل کا تھا، خواجہ آصف نے ووٹ کے تقدس کو خود پامال کیا۔
