تمام ڈسٹرکٹ ریٹرننگ افسران پولنگ اسکیم الیکشن کمیشن کو بھجوائیں گے
اسلام آباد جون 25(ٹی این ایس): 25 جولائی کو ہونے والے عام انتخابات کے لیے پولنگ اسکیم کو حتمی شکل آج دی جائے گی۔الیکشن کمیشن کے مطابق تمام ڈسٹرکٹ ریٹرننگ افسران پولنگ اسکیم الیکشن کمیشن کو بھجوائیں گے جس کے بعد اسے الیکشن کمیشن کی ویب سائٹ پر جاری کیا جائے گا۔
الیکشن کمیشن کے مطابق پولنگ اسکیم میں حلقے کے ووٹرز، پولنگ اسٹیشنز کی تفصیلات، حساس، انتہائی حساس پولنگ اسٹیشنز اور پولنگ بوتھس کی تفصیلات ہوں گی۔الیکشن کمیشن کا کہنا ہے کہ پولنگ اسکیم میں پولنگ عملے کی تفصیلات بھی ہوں گی اور تمام پولنگ اسکیم کی تفصیلات ملنے پر ہی اسے الیکشن کمیشن کی ویب سائٹ پر جاری کیا جائے گا۔
