کراچی27جون(ٹی این ایس) الیکشن ٹریبونل نے این اے 243 کراچی سے بھی عمران خان کو الیکشن لڑنے کے لیے اہل قرارد ے دیاہے، ان کے کاغذات نامزدگی منظور ہونے کے خلاف اپیل مسترد کردی گئی ۔الیکشن ٹریبونل نے ٹیکنیکل بنیادوں پر کیس کا فیصلہ سنا تے ہوئے کہا کہ درخواست گزار کا تعلق متعلقہ حلقے سے نہیں ہے۔عمران خان کے خلاف محمد جاوید خالد نے درخواست دائر کی تھی جس میں اپیل کنندہ نے موقف اختیار کیاتھا کہ حلف نامے میں عمران خان کے دستخط نہیں ہیں۔درخواست گزار نے کہا تھا کہ عمران خان کے کاغذات نامزدگی مسترد کیے جائیں۔
