حساس ادارہ اپنی حدود کے اندر سکیورٹی انتظامات کرے ٗعدالت کا حکم
اسلام آباد03جولائی(ٹی این ایس)اسلام آباد ہائی کورٹ نے وزارت دفاع کو آبپارہ روڈ کھولنے کیلئے چار ہفتوں کی مہلت دے دی۔ منگل کو اسلام آباد ہائی کورٹ میں آبپارہ روڈ کھولنے اور متبادل سیکیورٹی انتظامات سے متعلق وزارت دفاع کی متفرق درخواست کی سماعت ہوئی۔ جسٹس شوکت عزیز صدیقی نے سیکرٹری دفاع اور ڈی جی آئی ایس آئی کو سماعت پر حاضری سے استثنیٰ دیدیا۔ عدالت نے وزارت دفاع کو آبپارہ روڈ کھولنے اور متبادل سیکیورٹی انتظامات کرنے کیلئے چار ہفتوں کا وقت دیتے ہوئے حکم دیا کہ حساس ادارہ اپنی حدود کے اندر سکیورٹی انتظامات کرے۔ڈپٹی اٹارنی جنرل نے کہا کہ چار ہفتے بعد عدالت کو بتادیں گے ہم کب سڑک خالی کریں گے۔ عدالت نے ڈپٹی اٹارنی جنرل پر برہمی کا اظہار کرتے ہوئے کہا کہ اگر چار ہفتے بعد صرف یہ بتانا ہے تو پھر آپ کی درخواست مسترد کردیتے ہیں۔ جسٹس شوکت عزیز صدیقی نے ریمارکس دیے کہ جسے آپ تحفظ دیتے ہیں اسے کہیں وہ ایک دن آپ کو دیوار بنادے گا۔
