کراچی، جولائی 22(ٹی این ایس):رینجرز کی جانب سے سندھ کے مختلف شہروں میں کارروائیاں کی گئیں جس کے نتیجے میں 7 ملزمان کو گرفتار کرتے ہوئے اسلحہ برآمد کرلیا گیا۔تفصیلات کے مطابق رینجرز اور پولیس کا لاڑکانہ کے علاقے باقرانی میں انتہائی مطلوب ملزم کی گرفتار کے لیے چھاپہ مار کارروائی کی گئی، چھاپے کے دوران ملزم غلام قادر گرفتار جبکہ اعجاز ابڑو ساتھی سمیت فرار ہونے میں کامیاب ہوگیا۔
ترجمان رینجرز کے مطابق مفرور اعجاز ابڑو قتل، مقابلوں اور زمینوں پر قبضوں سمیت دیگر سنگین جرائم میں ملوث ہے، اعجاز ابڑو کے ٹھکانے سے بڑی تعداد میں اسلحہ برآمد ہوا ہے، اسلحے میں ایس ایم جیز، 22بور رائفل، پستول اور گولیاں شامل ہیں۔ رینجرز کی جانب سے سندھ کے ضلع خیرپور میں بھی ایک اہم کارروائی کی گئی جس کے نتیجے میں ملزم عرفان کی گرفتاری عمل میں ا?ئی، جبکہ ساتھی فرار ہوگیا، کارروائی میں مختلف اقسام کا اسلحہ اور گولیاں برآمد ہوئیں۔ترجمان رینجرز کے مطابق روہڑی کے علاقے سنگرار روڈ پر بھی کارروائی کی گئی، جہاں سے ملزم صدرالدین گرفتار کیا گیا، ملزم سے ایس ایم جی، میگزین اور 25 راو¿نڈز برآمد ہوئے ہیں، جبکہ ملزم سے ایک کار، نان کسٹم پیڈ اور جعلی نمبر پلیٹ بھی بر آمد ہوا ہے۔علاوہ ازیں رینجرز نے کراچی کے علاقے گبول ٹاو¿ن میں خفیہ اطلاعات پر اہم چھاپہ مار کارروائی کی جس کے نتیجے میں چار منشیات فروشوں کی گرفتاری عمل میں آئی۔
