الیکشن کمیشن آف پاکستان ایک خود مختار ادارہ ہے ٗ ای سی پی کے عملے نے انتخابات کے انعقاد کیلئے مثالی کام کیا ہے ٗ چیف الیکشن کمشنر
اسلام آباد 25جولائی(ٹی این ایس)چیف الیکشن کمشنر جسٹس ریٹائرڈ سردار محمد رضا نے بدھ کو عام انتخابات 2018ء کے روز الیکشن کمیشن آف پاکستان میں قائم کئے گئے شکایات سیل کا دورہ کیا۔اس موقع پر الیکشن کمشنر نے کہا کہ الیکشن کمیشن آف پاکستان ایک خود مختار ادارہ ہے اور ای سی پی کے عملے نے انتخابات کے انعقاد کیلئے مثالی کام کیا ہے ۔ شکایات سیل کے حوالے سے انہوں نے کہا کہ عام انتخابات کے حوالے سے جو بھی شکایات آئیں گی انہیں فوری حل کیا جائے گا۔ انہوں نے کہا کہ الیکشن کمیشن آف پاکستان میں نہایت قابل عملہ موجود ہے جو انتخابات کے انعقاد کیلئے دن رات کام کررہا ہے۔
