ماسکو ،اگست 29 (ٹی این ایس):افغانستان کے امن و سلامتی سے متعلق ماسکو میں 4ستمبر کو ہونیوالی عالمی کانفرنس ملتوی کردی گئی ۔
غیرملکی خبررساں ادارے کے مطابق افغان صدر اشرف غنی نے کہا کہ افغان امن عمل کی قیادت افغانستان کے شہریوں کو ہی کرنی چاہیے۔افغانستان کے مطابق ماسکو میں مجوزہ افغان کانفرنس افغانستان کے صدر اشرف غنی اور روسی وزیر خارجہ سرگئی لاروف کے درمیان ٹیلیفونک رابطے کے بعد غیر معینہ مدت تک ملتوی کردی گئی ۔بتایاگیا کہ افغانستان کے صدر اشرف غنی نے موقف اختیار کیا کہ افغانستان میں امن عمل کی قیادت افغانستان کے شہریوں کو کرنا چاہیے اور روس نے اس سے اتفاق کرلیا ۔
روسی وزارت خارجہ نے بھی بیان میں کانفرنس ملتوی کرنے کی تصدیق کی۔افغانستان نے ملک میں امن و استحکام کیلئے رواں سال 4 ستمبرکو عالمی کانفرنس کے انعقادکا اعلان کیا تھا۔مجوزہ کانفرنس میں پاکستان،افغانستان،بھارت و طالبان کو مدعو کیا گیا تھا جبکہ طالبان نیشرکت کی بھی حامی بھری تھی تاہم امریکا نے شرکت سے انکار کردیا تھا۔
