کوالا لمپور مارچ 28 (ٹی این ایس): ملائیشیا کے وزیرِ اعظم مہاتیرمحمد نے پاکستانی فوج کی تعریف کرتے ہوئے کہاہے کہ پاک فوج بہت طاقتور ہے اوردشمن کو کسی بھی جارحیت کی صورت میں شکست کا سامنا کرنا پڑے گا۔ پاکستان اب اپنا جنگی طیارہ جے ایف 17 تھنڈر بھی بنا رہا ہے پاکستان ملائیشیا کو یہ طیارے فروخت بھی کرنا چاہتا ہے، پاکستان ایٹمی ہتھیار اور انہیں ہدف تک پہنچانے والے میزائل بھی رکھتا ہے،غیرملکی خبررساں ادارے کے مطابق ایک انٹرویو میں ملائیشیا کے وزیرِ اعظم مہاتیر محمد نے کہا کہ میں جانتا ہوں کہ پاکستانی فوج بہت طاقتور ہے اور کسی بھی جارحیت کی صورت میں دشمن کو یقینی طور پر شکست کا سامنا کرنا پڑے گا۔ان کا کہنا تھا کہ پاکستان ایٹمی ہتھیار اور انہیں ہدف تک پہنچانے والے میزائل بھی رکھتا ہے۔ڈاکٹر مہاتیر محمد نے کہا کہ پاکستان اب اپنا جنگی طیارہ جے ایف 17 تھنڈر بھی بنا رہا ہے اور حال ہی میں اس نے بہترین کارکردگی کا مظاہرہ کیا ہے۔ پاکستان ملائیشیا کو یہ طیارے فروخت بھی کرنا چاہتا ہے۔ میں سمجھتا ہوں کہ پہلے ایک یا دو طیارے لے کر ہمیں ان کی صلاحیت کی آزمائش کرنا ہوگی۔
