لاہور جون 12 (ٹی این ایس): وزیراعظم عمران خان نے22کروڑ عوام کی امنگوں کی بھر پور ترجمانی کی ہے۔ سردار عثمان بزدار نے کہا کہ پاکستانی عوام کرپشن کا خاتمہ اوربدعنوان عناصر کا کڑا احتساب چاہتے ہیں۔ لوگ چاہتے ہیں کہ ملک لوٹنے والوں کو عبرت کانشان بنادیا جائے۔ کرپٹ عناصرنے ملک و قوم کو ناقابل تلافی نقصان پہنچایا۔ ملک کو لوٹنے والے انجام سے نہیں بچ سکیں گے۔ تحریک انصاف کی کرپشن کیخلاف جدوجہد نتیجہ خیز ثابت ہورہی ہے۔ ان کا مزید کہنا تھا کہ وزیراعظم عمران خان کے دور میں کرپشن کا سوال ہی پیدا نہیں ہوتا۔ کرپشن کیخلاف جنگ میں سر بلند رہنے پر وزیراعظم عمران خان کو خراج تحسین پیش کرتے ہیں۔ عوام کرپشن کرنیوالوں کیساتھ نہیں،دیانتدار قیادت ہی ملک کو مسائل سے نکالے گی
نئے پاکستان میں شفافیت کے مینار قائم ہوں گے۔
