لاہور اگست 17 (ٹی این ایس): لاہور کی احتساب عدالت نی300 ارب کی مبینہ کرپشن کے الزام میں گرفتار سابق ڈی جی نیپرا سید انصاف احمد کے جسمانی ریمانڈ میں مزید 14 روز کی توسیع کر دی۔احتساب عدالت کے ڈیوٹی جج جواد الحسن نے کیس کی سماعت کی،ملزم کوسخت سکیورٹی میں عدالت کے روبرو پیش کیا گیا، سرکاری وکیل نے عدالت سے استدعاکی کہ ملزم کے جوڈیشل ریمانڈ میں مزید توسیع کی جائے،جس پر عدالت نے سابق ڈی جی نیپرا سید انصاف احمد کے جوڈیشل ریمانڈ میں 14 روز کی توسیع کردی،عدالت نے ملزم کودوبارہ31 اگست کو پیش کرنے کا حکم دیدیا،عدالت نے آئندہ سماعت پر نیب کے تفتیشی افسر سے کیس کی تفصیلی رپورٹ طلب کر لی،سابق ڈی جی کو نیب کی جانب سے 10 جون کو گرفتار کیا گیا تھا،ملزم پرنجی پاور ہائوس نشاط چونیاں سے بجلی نرخ انتہائی مہنگے داموں خریدنے کے الزامات ہیں۔
