لاہور اکتوبر 10 (ٹی این ایس): مسلم لیگ ن کے صدر شہباز شریف نے کیپٹن(ر) صفدر کے بیانات پر برہم ہوگئے، شہبازشریف نے کیپٹن(ر) صفدرکے بیانات پر2 رکنی کمیٹی قائم کردی، دو رکنی کمیٹی میں احسن اقبال اور خواجہ آصف شامل ہیں۔ میڈیا رپورٹس کے مطابق صدر ن لیگ شہباز شریف نے کیپٹن ر صفدر کے بیانات کا نوٹس لے لیا۔ شہباز شریف کی زیرصدارت اجلاس ہوا۔ اجلاس میں پارٹی صدرشہبازشریف اورمتعدد رہنماء کیپٹن(ر)محمد صفدرکے بیانات پربھی برہمی کا اظہار کیا۔
شہبازشریف نے کیپٹن(ر) صفدرکے بیانات پر2 رکنی کمیٹی قائم کردی۔ شہبازشریف نے خواجہ محمد آصف کوفون کرکے کمیٹی کی سربراہی سونپ دی۔ دو رکنی کمیٹی میں احسن اقبال کوبھی شامل کیا گیا ہے۔ واضح رہے یہ ابھی تک ن لیگ کی جانب سے آفیشنل بیان جاری نہیں کیا گیا۔ واضح رہے ٹویٹر پر اپنے ردعمل میں پاکستان مسلم لیگ (ن) کی ترجمان مریم اورنگزیب نے سی ای سی اجلاس اور کیپٹن صفدر کے بارے میں کمیٹی کی تشکیل کی میڈیا رپورٹس مسترد کردی ہیں کہ کوئی کمیٹی تشکیل دی گئی نہ ہی واقعات کا سیاق وسباق درست اور سچائی پر مبنی ہے۔
پارٹی سی ای سی سے متعلق چلنے والی خبریں من گھڑت، بے بنیاد اور افواہ سازوں کی کارستانی ہے نوازشریف اور شہبازشریف سے منسوب کردہ ”من گھڑت خبریں“ کسی کی خواہش تو ہوسکتی ہے، حقیقت نہیں پارٹی اجلاس کی تمام کارروائی کو مسخ کیا گیا اور شہباز شریف کی گفتگو کو غلط رنگ دیا گیا۔ پارٹی اجلاسوں میں قائدین اور رہنماؤں کی رائے، نقطہ نظر اور خیالات امانت ہوتے ہیں جن کا مقصد درست حقائق اور فیصلوں تک پہنچنا ہوتا ہے پہلے بھی درخواست کی تھی کہ پارٹی موقف کی ذمہ داری ترجمان کو تفویض کی گئی ہے۔
انہوں نے کہا کہ قیاس آرائیوں کا مقصد شرانگیزی ہے، عوام اور پارٹی کارکنان افواہ سازوں سے ہوشیار رہیں ۔ بتاچکے ہیں کہ قائد محمد نوازشریف کی رہنمائی میں پارٹی فیصلے کا اعلان صدر شہبازشریف کریں گے۔ پارٹی کو نقصان پہنچانے کی یہ سوچی سمجھی سازش ہے جس کا پارٹی صدر شہبازشریف نے سخت نوٹس لیا ہے۔
