ریاض مارچ 20 (ٹی این ایس): سعودی حکومت نے اعلان کیا کہ کورونا وائرس کے پیش نظر مملکت میں نیلام گھروں کو بند کردیا گیا ہے۔
عرب میڈیا کی رپورٹ کے مطابق سعودی عرب میں اب کسی بھی قسم کی اشیاء، برقی آلات یا گاڑیوں کی فروخت سے سلسلے میں نیلامی پر پابندی ہوگی۔ محکمہ امن عامہ نے اعلان کردیا ہے۔
کرونا وائرس سے بچاﺅ اور اس کا پھیلاؤ روکنے کے لیے تمام نیلام گھر بند کردیے گئے ہیں۔
سعودی عرب کے بڑے شہروں خصوصاً جدہ، ریاض، مکہ مکرمہ، مدینہ منورہ، دمام اور خمیس مشیط میں کاروں، ٹرکوں اور مختلف قسم کی گاڑیوں کے نیلام گھر کھلے ہوئے ہیں۔ تاہم نئے حکم کے تحت اب نیلامی پر پابندی ہوگی۔
نیلام گھروں میں مخصوص دن میں لوگ جمع ہوکر اشیاء فروخت کرتے تھے جس سے کوروناوائرس کے پھیلنے کے مواقع بڑھ جاتے ہیں۔ محکمہ صحت نے شہریوں کے ہجوم پر پابندی عائد کررکھی ہے۔
مختلف شہروں میں سبزی منڈی میں بھی کورونا وائرس کے پھیلنے کا امکان کے تحت منڈیوں میں نیلامی کا سلسلہ بند کردیا گیا ہے۔ متعلقہ اداروں نے خبردار کیا ہے کہ حکم کی خلاف ورزی پر بھاری جرمانہ اور سزا ہوسکتی ہے۔
