اسلام آباد 23 ستمبر 2020 (ٹی این ایس): صدرمملکت نے گلگت بلتستان کی قانون ساز اسمبلی کے انتخابات کی منظوری دے دی۔ گلگت بلتستان میں عام انتخابات 15 نومبر کو ہوں گے۔
صدر مملکت ڈاکٹر عارف علوی نے گلگت بلتستان کی قانون ساز اسمبلی کیلئے عام انتخابات کرانےکی منظوری دے دی۔
گلگت بلتستان میں عام انتخابات 15 نومبر بروز اتوار کو ھوں گے۔
صدر مملکت نے وزیر اعظم کی طرف سے بھیجی گئی سمری کی منظوری دی۔
— The President of Pakistan (@PresOfPakistan) September 23, 2020
اس سے قبل گلگت بلتستان میں عام انتخابات 18 اگست کو ہونے تھے تاہم انہیں ملتوی کر دیا گیا تھا۔ 30 مارچ سپریم کورٹ پاکستان نے گلگت بلتستان میں عام انتخابات کی اجازت دے دی تھی۔
سپریم کورٹ میں گلگت بلتستان میں عام انتخابات اور نگراں سیٹ اپ کے قیام سے متعلق درخواست کی سماعت کرتے ہوئے گلگت بلتستان آرڈر 2018 میں ترمیم کی اجازت دیتے ہوئے مختصر فیصلہ سنایا گیا تھا۔