اسلام آباد 18 جنوری 2021 (ٹی این ایس): وزیراعظم عمران خان نے وفاقی کابینہ کا اجلاس (آج) بروز منگل19 جنوری کو طلب کرلیا ،وفاقی کابینہ ملکی سیاسی ، معاشی اور سلامتی کی صورتحال جائزہ لے گی ،وفاقی کابینہ الیکشن کمیشن کے سامنے اپوزیشن جماعتوں کے احتجاج پر غور کرے گی ،کابینہ کو امن و امان کی صورتحال اور احتجاج کے دوران حکمت عملی پر بریفنگ دی جائے گی۔تفصیلات کے مطابق وفاقی اجلاس میںکابینہ کو کورونا کی صورتحال اور ویکسین سے متعلق امور پر بریفنگ دی جائے گی ۔وفاقی کابینہ کے اجلاس کا 15 نکاتی ایجنڈا جاری کردیا گیا۔ایجنڈے کے مطابق وفاقی کابینہ کو سول سروس ریفارمز پر بریفنگ دی جائے گی، پاکستان آرڈیننس فیکٹریز بورڈ کے چیئرمین کی تعیناتی کی منظوری دی جائے گی ،یورو بانڈز اور سکوک بانڈز میں ٹیکس چھوٹ کا جائزہ لیا جائے گا ۔اجلاس میں کابینہ اسلام آباد میں بجلی اور گیس کے نئے میٹرز کی تنصیبات کے خاتمے سے متعلق کمیٹی کی تشکیل نو کی منظوری دے گی جبکہ کابینہ اجلاس میں ہائیکورٹ کے فیصلے کی روشنی میں وزیراعظم کے معاونین اور مشیران کی تعیناتی کا جائزہ لیا جائے گا، کراچی ڈھوک لیبر بورڈ کی منظوری کابینہ ایجنڈے کا شامل کرلی گئی ،این ٹی ڈی سی کے بورڈ اف ڈائریکٹر کی تعیناتی کی منظوری دی جائے گی ۔اجلاس میں کابینہ ذیلی کمیٹی برائے توانائی کے گزشتہ اجلاس کے فیصلوں کی توثیق کرے گی اورکابینہ ذیلی کمیٹی برائے ادارہ جاتی اصلاحات کے گزشتہ اجلاس کے فیصلوں کی توثیق کرے گی ،وفاقی کابینہ قانون سازی سے متعلق کمیٹی کے فیصلوں کی توثیق کرے گی۔
