اسلام آباد 23 جنوری 2021 (ٹی این ایس): وفاقی وزیر برائے انسانی حقوق ڈاکٹر شیریں مزاری نے اپوزیشن کے براڈشیٹ تحقیقاتی کمیٹی پرتحفظات مسترد کردیئے اور کہا ، اپوزیشن روتی رہے،تحقیقات منطقی انجام تک پہنچے گی۔
وفاقی وزیر برائے انسانی حقوق شیریں مزاری نے سماجی رابطے کی ویب سائٹ ٹوئٹر پر اپوزیشن کے براڈشیٹ تحقیقاتی کمیٹی پر تحفظات مسترد کرتے ہوئے کہا اپوزیشن چلارہی کیونکہ ان کے لیڈرز کی چوری عوام کے سامنےآرہی ہے ، اپوزیشن روتی رہے ، تحقیقات منطقی انجام تک پہنچے گی۔
شیریں مزاری کا کہنا تھا کہ اپوزیشن وہ جج نہیں چاہتی، جو ان کی لوٹ مار کے بارے میں بہت کچھ جانتا ہو لیکن سابقہ حکومتوں میں نقصان کے حقائق عوام کے سامنے آنا ضروری ہیں ، اپوزیشن سےمنظوری لینا مطلب چورسےاسکی مرضی کے جج کا پوچھنا۔
