اسلام آباد 02 مارچ 2021 (ٹی این ایس): وفاقی ترقیاتی ادارہ (سی ڈی اے)نے ملپور کے جنگل میں 350 ایکڑ رقبے پر11کروڑ 64 لاکھ روپے سے بننےوالے ماڈل پارک کی منظوری دے دی ہے اس منصوبے کی زمین کی تیاری کیلئے دو کروڑ 84 لاکھ روپے کی مشنری کی خریداری کیلئے ٹینڈر نوٹس بھی جاری کر دیا گیا ہے تفصیلات کے مطابق سی ڈی اے کی نومبر 2020 میں ہونے والی میٹنگ میں ملپور کے جنگل میں بننے والے ماڈل پارک کے منصوبے کی منظوری دی گئی تھی یہ منصوبہ اگیارہ کروڑ 64لاکھ روپے کی لاگت سے مکمل کیا جائے گا جبکہ اس منصوبے میں زمین کی تیاری کیلئے مشنری کی خریداری پی سی ون کا حصہ ہے مشنری کی خریداری کے لیے ٹینڈر نوٹس جاری کر دیا گیا ہےجس کے مطابق 34 قسم کی مشنری خریدی جائے گی جس میں ٹریکٹرز،ہیڈرالک لوڈر، فرنٹ بلیڈ ٹریکٹر،ٹرالیاں ودیگر زرعی مشینری شامل ہے سی ڈی اے انتظامیہ کے مطابق اس ماڈل پارک کا رقبہ 350 ایکڑ ہےجس میں 7ہزار پودے لگائے جائیں گے ویٹ لینڈ اور بارش کے پانی کو جمع کرنے کیلئے ایک تالاب بنایا جائے گا ماڈل پارک کی چاردواری اور ٹیوب ویل لگانے کیلئے بھی ٹینڈر جاری کر دیئے گئے ہیں پارک کے لئے ایک اسسٹنٹ ڈائریکٹر،جنگل کے کارڈز،مالی اور ٹریکٹر ڈرائیوروں کی بھرتیوں کا عمل جلد مکمل کر لیا جائے گا ماڈل پارک میں 6 ہزار کچنار کے درخت لگا دیئے گئے ہیں
