اسلام آباد 23 مارچ 2021 (ٹی این ایس): ملزم کی شناخت چوہدری زاہد کے نام سے ہوئی، ملزم زاہد اپنے ساتھی شاہد کے ساتھ دو ہفتے قبل انسپکٹر عمران عباس پر فائرنگ کر کے شہید کرنے کے واقعہ میں بھی ملوث اور پولیس کو مطلوب تھا، ملزم تھانہ چونترہ کے قتل کے مقدمہ کا اشتہاری اور ریکارڈ یافتہ تھا، واقعہ کی اطلاع ملتے ہی ایس ایس پی آپریشنز، ایس ایس پی انویسٹی گیشن اور ایس پی پوٹھوہار بھاری پولیس نفری کے ہمراہ موقعہ پر پہنچ گئے، ملزمان نے ساتھیوں کے ساتھ مل کر گاڑیاں رینٹ پر لیں اور خیانت کرتے ہوۓ گاڑیاں مالک کو واپس نہ کیں، ایس ایچ او عمران عباس شہید نے گاڑیاں قبضہ پولیس میں لے کر تھانہ کلر سیداں کے حوالے کر دیں جس کا ملزم اور ساتھیوں کو رنج تھا، اسی رنج کی بناء پر ملزم زاہد اور ان کے ساتھیوں نے پلاننگ کر کے انسپکٹر میاں محمد عمران عباس پر فائرنگ کر کے انہیں شہید کر دیا، ملزم کے دیگر ساتھیوں اور سہولت کاروں کو ٹریس کر کے گرفتار کیا جاۓ گا، نعش کو پوسٹ مارٹم کے لئے ہسپتال منتقل کیا گیا ہے، ملزمان کتنے بھی شاطر ہوں قانون کی گرفت سے نہیں بچ سکتے، ایس پی پوٹھوہار کے مطابق سنگین مقدمہ میں ملوث دیگر ملزمان کو ٹریس کر کے قانون کے کٹہرے میں لایا جاۓ، شہریوں اور پولیس پر حملہ کرنے والے قانون کی گرفت سے نہیں بچ سکتے، راولپنڈی پولیس اپنے شہداء کی قربانیوں کو نہیں بھولے گی، ملزمان کو قانون کے مطابق کیفرکردار تک پہنچایا جاۓ گا۔
