اسلام آباد 23 نومبر 2021 (ٹی این ایس): بھارت کی جانب سے اپنے ونگ کمانڈر ابھینندن ورتھمان کو قومی اعزاز ویر چکرا دیے جانے پر وفاقی وزیر فواد چودھری کا دلچسپ تبصرہ سامنے آ گیا۔
وفاقی وزیربرائے اطلاعات ونشریات فواد چودھری نے سوشل میڈیا کی ویب سائٹ ٹوئٹر پر نیوز ایجنسی کی جانب سے شیئر کی گئی ایک ویڈیو شیئر کی ہے۔ ویڈیو میں بھارتی ونگ کمانڈر ابھی نندن کو صدارتی محل میں بھارتی حکومت کی جناب سے قومی اعزاز ویر چکرا دیا جا رہا ہے۔
فواد چودھری نے اس ویڈیو کو شیئر کرتے ہوئے ٹویٹ کیا ہے کہ “ابھینندن اپنے دماغ میں سوچ رہا ہو گا کہ اب میں نے کیا کیا ہے یہ مجھے کہاں لے کر جا رہے ہیں؟”
انہوں نے ابھینندن کو ایوارڈ دیے جانے کی تقریب پر تبصرہ کرتے ہوئے کہا ہے کہ ” بھارتی ایوان صدر میں کامیڈی فلم کی شوٹنگ کا سین عکس بند کیا گیا ہے”۔
