اسلام آباد 02 مارچ 2022 (ٹی این ایس): وزیر مملکت اطلاعات و نشریات فرخ حبیب نے کہا ہے کہ وزیراعظم عمران خان نے پیٹرول و ڈیزل اور بجلی کی قیمتوں میں کمی سمیت ایک بڑے عوامی ریلیف پیکیج کا اعلان کیا ہے اور آئندہ بھی عوام کو ریلیف دیتے ر ہیں گے،قیمتیں کم کرنے پر بھی اپوزیشن کو اعتراض ہے ، اپوزیشن منافقانہ رویہ ترک کرےعمران خان نے معیشیت کو دیوالیہ سے ٹیک آف پر پہنچا دیا،ہمارے وزیراعظم کے محلات نہیں، منی لانڈرنگ نہیں کی اور نہ ہی لوٹ مار کی، ، اپوزیشن جان چکی ہے کہ پی ٹی آئی حکومت کہیں جانے والی نہیں،یہ پانچ سال مکمل کرے گی اور آئندہ حکومت بھی پی ٹی آئی کی ہی ہوگی۔
بدھ کو وفاقی وزیر اقتصادی امور خسرو بختیار کے ہمراہ پریس کانفرنس سے خطاب کرتے ہوئے انہوں نے کہا کہ وزیراعظم عمران خان نے عوامی ریلیف پیکیج کا اعلان کیا ہے ، پیٹرول اور ڈیزل کی قیمت میں 10,10روپے اور بجلی فی یونٹ 5 روپے کم کیے ہیں، عالمی سطح پر مہنگائی ہوئی تو امریکہ،یورپ، برطانیہ سمیت پوری دنیا میں مہنگائی کا 40سالہ ریکارڑ ٹوٹ گیا۔
وزیر مملکت نے کہا کہ پیٹرول فی بیرل 40ڈالر سے 111ڈالر، خوردنی تیل 400ڈالر سے 1300ڈالر فی ٹن، کوئلہ 40ڈالر سے 200ڈالر پر پہنچ چکا ہے،پوری دنیا میں ہونے والی مہنگائی کا اثر حکومتوں اور عوام پر پڑا،امریکہ میں مہنگائی کا 42 سالہ ریکارڈ ٹوٹا ہے، ہمارا خیال تھا کہ کوویڈ 19 کے بعد حالات بہتر اور مہنگائی کی شرح کم ہوگی تو عوام کو ریلیف دیں گے۔
دنیا میں لاجسٹک اور رانسپورٹیشن مہنگی ہوئی ہے، اسکے بھی اثرات ہیں، اسی صورت حال میں عمران خان نے عوام کو بوجھ ڈالنے کی بجائے ریلیف دیا، پیٹرولیم مصنوعات کی قیمتوں میں حالیہ کمی سے پہلے بھی ٹیکسز کم کرنے سے حکومت 70ارب کا بوجھ خود برداشت کررہی تھی، ٹیکس وصولیاں بھی ریکارڈ ہیں، 8 ماہ میں 30فیصد ٹیکس زائد اکٹھے کیے ہیں، پہلے اپوزیشن آئی ایم ایف کے پاس جانے پر تنقید کررہی تھی اور اب قیمتیں کم کرنے پر بھی اپوزیشن کو اعتراض ہے، اپوزیشن منافقانہ رویہ ترک کرے۔
