اسلام آباد 04 مارچ 2022 (ٹی این ایس): سابق آسٹریلوی وکٹ کیپر روڈ مارش 74سال کی عمر میں انتقال کرگئے۔ آسٹریلین ٹیسٹ ٹیم کے کپتان پیٹ کمنز نے اظہار افسوس کرتے ہوئے کہا ہے کہ روڈ مارش نے آسٹریلیا کیلئے 50 سال ناقابل یقین خدمات انجام دیں۔
روڈ مارش کو گزشتہ ہفتہ ہارٹ اٹیک ہوا تھا ،روڈ مارش دل کا دورہ پڑنے کے بعد کومہ میں چلے گئے تھے، روڈ مارش کرکٹ آسٹریلیا کے چیف سلکیٹر کے عہدے پر بھی فائز رہے۔
آسٹریلین ٹیسٹ ٹیم کے کپتان پیٹ کمنز نے اظہار افسوس کرتے ہوئے کہا ہے کہ روڈ مارش نے آسٹریلیا کیلئے 50 سال ناقابل یقین خدمات انجام دیں۔ روڈ مارش کی یاد میں آسٹریلین کرکٹ ٹیم آج کے میچ میں سیاہ پٹیاں باندھ کر کھیلے گی۔
روڈ مارش 4 نومبر 1947 کو پیدا ہوئے اور 1970 میں انگلینڈ کے خلاف کرکٹ کی دنیا میں قدم رکھا، انہوں نے کیرئر کا آخری ٹیسٹ میچ پاکستان کے خلاف 1984 میں کھیلا۔
سابق آسٹریلوی وکٹ کیپر نے 96 ٹیسٹ میچز، 92 ون ڈے کھیلے، انہوں نے 1982 میں پاکستان کے خلاف ٹیسٹ سنچری بنانے والے پہلے آسٹریلوی وکٹ کیپر کا اعزاز حاصل کیا۔
