اسلام آباد 15 مارچ 2022 (ٹی این ایس): تحریک عدم اعتماد سے پہلے اسپیکر پنجاب اسمبلی و حکومتی اتحادی چوہدری پرویز الٰہی نے وزیراعظم عمران خان کے لیے خطرے کی گھنٹی بجا دی۔
چوہدری پرویز الٰہی نے وزیراعظم کو خبردار کرتے ہوئے کہا کہ عمران خان سو فیصد مشکل میں ہیں، سارے اتحادی اپوزیشن کی طرف ہیں۔
ق لیگ کے پرویز الٰہی نے اپوزیشن میں ن لیگ، پیپلز پارٹی اور مولانا کے اتحاد کو پکا اور دیرپا قرار دیتے ہوئے کہا کہ جب مخالفین ایک شخص کیخلاف ایک ہوتے ہیں تو تلخیاں بھلادیتے ہیں۔
