اسلام آباد 28 مارچ 2022 (ٹی این ایس): نیویارک میں اقوام متحدہ کا دوسرا سب سے بڑا بین الحکومتی خواتین کی حیثیت سے متعلق کمیشن کا 66 واں دو ہفتے کاطویل اجلاس اختتام پذیر ہو گیا جس میں خواتین اور لڑکیوں کے پائیدار ترقی کے لیے تبدیلی کے آلہ کار کے طور کے طور پر، خصوصاً ماحول کی حفاظت اور موسمیاتی تبدیلی کے منفی اثرات سے نمٹنے کے لیے اہم کردار کا اعتراف کیا گیا ۔کمیشن میں پاکستان کے وفد کی قیادت نیلوفر بختیار نے کی، جو خواتین کی حیثیت سے متعلق قومی کمیشن ( این سی ایس ڈبلیو کی چیئرپرسن ہیں۔سیشن کے دوران، انہوں نے دنیا بھر سے آئے ہوئے مندوبین کو بتایا کہ پاکستانی خواتین زندگی کے تمام شعبوں میں اپنا کردار ادا کر رہی ہیں۔انہوں نے مزید کہا کہ ہم پاکستان میں خواتین کو بطور سی ای اوز، فٹبالرز، تیراک، کوہ پیما، فائٹر پائلٹ دیکھتے ہیں ۔ خواتین ہر جگہ اور زندگی کے ہر شعبے میں موجود ہیں۔
نیلوفر بختیار نے کہا کہ پاکستان کی پالیسیوں میں موسمیاتی تبدیلی ،خواتین کی حالت زار اور صنفی تفریق پر توجہ دی جا رہی ہیں جو موسمیاتی تبدیلیوں سے ابھرے ہیں اور موسمیاتی تنائو کے نتیجے میں مزدوروں، روٹی کمانے والے، دیکھ بھال کرنے والے، مریضوں اور والدین کے طور پر مردوں اور عورتوں کو مختلف تجربات کا سامنا ہے۔ایک سرکاری بیان کے مطابق، رکن ممالک کی طرف سے منظور کیے گئے متفقہ نتائج عالمی رہنماو¿ں کے لیے موسمیاتی تبدیلی، ماحولیاتی اور آفات کے خطرے میں کمی کی پالیسیوں کے ڈیزائن اور نفاذ میں خواتین اور لڑکیوں کی مکمل اور مساوی شرکت اور قیادت کو فروغ دینے کے لیے رہنما پروگرام آگے بڑھ رہے ہیں۔کمیشن کے ذریعے طے پانے والے معاہدے ایک ایسے موقع پر سامنے آئے ہیں جب دنیا کو فوری طور پر باہمی بحرانوں کے نئے اور مربوط حل کی ضرورت ہے جو ہم سب پر اثرانداز ہوتے ہیں،
یو این ویمن کی ایگزیکٹو ڈائریکٹر، سیما باہوس نے کہا کہ صنفی مساوات اور بااختیار بنانے کے لیے وقف ادارہ کے پاس اب عالمی عزم اور بحالی کے لیے عملی، مخصوص اقدامات، اور ایک مشترکہ فہم کے ساتھ ایک راستہ ہے کہ ان مسائل کا حل خواتین اور لڑکیوں کو مرکزی دھارے میں لانے پر منحصر ہے۔ آئیے یہاں کیے گئے کام کا فائدہ اٹھاتے ہیں، ان معاہدوں کو فوری طور پر عملی جامہ پہناتے ہیں اور ان کو آگے بڑھاتے ہیں۔ ہم سی او پی 27 سمیت تمام اہم فورمز کے ذریعے فیصلے آگے بڑھائیں گے۔بیان میں کہا گیا ہے کہ سیشن نے تمام خواتین اور لڑکیوں پر موسمیاتی تبدیلی، ماحولیاتی انحطاط اور آفات کے غیر متناسب اثرات کو تشویش کے ساتھ تسلیم کیا جن میں گھروں اور معاش کا نقصان، پانی کی کمی، تباہی اور اسکولوں اور صحت کی سہولیات کو نقصان پہنچنا شامل ہیں ۔
اجلاس کے شرکاءنے ان اثرات کو ختم کرنے کی فوری ضرورت پر زور دیا اور قراردیا کہ مستقل تاریخی اور ڈھانچہ جاتی عدم مساوات، امتیازی قوانین اور پالیسیاں، منفی سماجی اصول اور صنفی دقیانوسی تصورات جو کہ امتیازی سلوک کی متعدد اور ایک دوسرے سے جڑی ہوئی شکلوں کو برقرار رکھتے ہیں۔ جنہیں حل کرنے کی ضرورت ہے ۔جبری اور طویل نقل مکانی سمیت نقل مکانی کے نتیجے میں، خواتین اور لڑکیوں کو مخصوص چیلنجوں کا سامنا کرنا پڑتا ہے جن میں سپورٹ نیٹ ورک سے علیحدگی، ہر قسم کے تشدد کا بڑھتا ہوا خطرہ، اور روزگار، تعلیم، اور صحت کی دیکھ بھال کی ضروری خدمات تک رسائی میں کمی شامل ہیں جبکہ جنسی۔ اور تولیدی صحت کی دیکھ بھال کی خدمات، اور نفسیاتی مدد جیسے مخصوص چیلنجوں کا بھی سامنا کرنا پڑتا ہے ۔
کمیشن نے اس بات پر بھی تشویش کا اظہار کیا کہ کوویڈ -19 وبائی امراض کے معاشی اور سماجی نتائج نے موسمیاتی تبدیلیوں، ماحولیاتی انحطاط اور آفات کے اثرات کو بڑھا دیا ہے اور لوگوں کو پسماندگی اور انتہائی غربت کی طرف دھکیل دیا ہے۔عالمی وبائی مرض کے باعث بلا معاوضہ دیکھ بھال اور گھریلو کام کی مانگ میں بھی اضافہ ہوا اور ہر قسم کے تشدد کے واقعات کی اطلاعات بھی ملی تھیں ۔ کمیشن نے اقوام متحدہ کے نظام، بین الاقوامی مالیاتی اداروں اور ملٹی اسٹیک ہولڈر پلیٹ فارمز پر زور دیا کہ وہ صنفی مساوات کے حصول اور موسمیاتی تبدیلی، ماحولیاتی اور آفات کے خطرات میں کمی کی پالیسیوں اور پروگراموں کے تناظر میں تمام خواتین اور لڑکیوں کو بااختیار بنانے کے لیے رکن ممالکسے تعاون جاری رکھیں۔خواتین اور لڑکیوں کی سماجی اور اقتصادی حیثیت، تحفظ، فلاح و بہبود اور معاش میں کمزوریوں کو بڑھانے والی رکاوٹوں کو دور کرنے سے ہی، زمین اور وسائل تک رسائی، ملکیت اور ان پر کنٹرول میں وسیع نقصانات سے نمٹنا ممکن ہوگا۔
یونیورسل ہیلتھ کیئر اور معیاری تعلیم، صنفی بنیاد پر تشدد کی روک تھام جیسی خدمات تک مساوی رسائی اور بلا معاوضہ دیکھ بھال اور گھریلو کام کا مساوی اشتراک جو خواتین کے عزم اور حقوق کو متاثر کرتا ہے۔نتائج کی دستاویز میں خواتین اور لڑکیوں کی مکمل، مساوی اور بامعنی شرکت اور اثر و رسوخ کا فائدہ اٹھانے اوراسے مضبوط کرنے کا مطالبہ کیا گیا ہے۔ پسماندہ خواتین کی آواز اور علم کو بڑھانے کے لیے مخصوص کوششیں کی جانی چاہئیں، جن میں مقامی خواتین، بوڑھی خواتین، معذور خواتین، مہاجر خواتین اور دیہی، دور دراز، تنازعات اور آفات کے شکار علاقوں میں رہنے والے شامل ہیں۔ قدرتی وسائل کے انتظام، تحفظ اور پائیدار استعمال اور آب و ہوا میں تخفیف اور موافقت کے اقدامات اور پروگراموں میں ان کی معلومات کو سنا اور شامل کیا جانا چاہیے۔
