پنجاب میں سیاسی بے یقینی کا خاتمہ جلد متوقع، مسلم لیگ ق کے سربراہ چودھری شجاعت حسین کا متحرک ہونے کا فیصلہ، مسلم لیگ ق ناروے کے صدر چودھری محمد رزاق سے اہم ملاقات، پنجاب حکومت کیلئے اگلے 48گھنٹے بہت اہم ہیں، الیکشن کمیشن کا ق لیگ پارٹی قیادت کے حوالے سے فیصلہ چودھری شجاعت حسین کے حق میں آنے کا قوی امکان۔
تفصیلات کے مطابق مسلم لیگ (ق )ناروے کے صدر چودھری محمد رزاق نے اسلام آباد میں چودھری شجاعت کی رہائش گاہ پر ملاقات کے بعد میڈیا سے گفتگو میں کہا کہ ملک کا سب سے اہم صوبہ پنجاب گزشتہ چند ماہ سے سیاسی بحران سے دوچار ہے، ملک کے وسیع تر مفاد میں چوہدری شجاعت نے متحرک ہونے کا فیصلہ کیا ہے، اگلے 48گھنٹے میں پنجاب کی سیاسی صورتحال میں ٹھہراو متوقع ہے
انہوں نے کہا کہ ہر نظریاتی مسلم لیگی چودھری شجاعت حسین کے ساتھ ہے، بالخصوص ناروے اور یورپ بھر کے مسلم لیگی کارکن چودھری شجاعت کے موقف کے حامی ہیں۔ اس موقع پر چودھری شافع حسین، ڈاکٹر جواد رزاق اور ق لیگ کے میڈیا کوآرڈینیٹر محسن اسلم بھی موجود تھے۔
