وفاقی دارالحکومت میں ڈینگی بے قابو،مزید 48 افراد میں ڈینگی کی تشخیص،متاثرہ مریضوں کی تعداد 4 ہزار838 ہوگئی،اب تک 9 افراد جاں بحق ہوچکے،۔زیادہ تر ڈینگی سے دیہی علاقے متاثر ہوئے۔
ڈسڑکٹ ہیلتھ آفیسر اسلام آباد کے مطابق ایک دن میں مزید 48 کیسز سامنے آئے۔دیہی علاقوں میں 23 جبکہ شہری ایریاز سے 25 کیسزرپورٹ ہوئے ہیں۔ پمزاسپتال میں 21 ۔فیڈرل جنرل اسپتال میں 3 اور نجی لیبارٹریز میں 18 مریض لائے گئے ہیں۔ڈی ایچ او کا کہنا ہے کہ ڈینگی سے متاثرین کی تعداد 4 ہزار838 ہوگئی ہے۔دیہی علاقوں میں 2806 جبکہ شہری آبادی میں 2032 کیسز ہوچکے ہیں۔ڈینگی سے جاں بحق ہونے والوں کی تعداد 9 ہے۔طبی ماہرین کا کہنا ہے کہ احتیاط کیجئیے کیسز میں مزید اضافہ ہوسکتا ہے۔۔۔
