پاکستان انڈر-19 کرکٹ ٹیم نے بنگلادیش کو 7 وکٹ سے شکست دے کر دو میچوں کی سیریز ایک ایک سے برابر کردی۔
ملتان میں کھیلے گئے میچ میں بنگلادیش انڈر-19 نے پاکستان کو 164 رنز کا ہدف دیا تھا۔
بنگلادیشی اننگز میں زیشان عالم 73 رنز بنا کر نمایاں رہے جبکہ پاکستان کے علی اسفند نے 3 اور محمد ابتسام نے 2 وکٹیں حاصل کیں۔
جواب میں پاکستان انڈر 19 نے ہدف 18.2 اوورز میں 3 وکٹوں کے نقصان پر حاصل کرلیا۔
پاکستان کے سعد بیگ 79 اور عرفات منہاس 50 رنز بنا کر ناٹ آؤٹ رہے۔
واضح رہے کہ بنگلادیش انڈر-19نے پہلے ٹی ٹوئنٹی میچ میں پاکستان کو 5 وکٹ سے شکست دی تھی۔
