سابق ڈی جی آئی ایس آئی لیفٹیننٹ جنرل ریٹائرڈفیض حمید نے کہا ہے کہ وہ کبھی سیاست کا حصہ نہیں بنیں گے۔
میڈیا سے گفتگو کرتے ہوئے جنرل (ر)فیض حمید نے کہا کہ سیاست میں ان کی شمولیت کے حوالے سے باتیں بالکل غلط ہیں، دو سال کی پابندی کے بعد میں سیاست کا حصہ بنوں گا اور نہ ہی اس کے بعد بھی کبھی۔
خیال رہے گزشتہ روز ایک ویڈیو سوشل میڈیا پر وائرل ہوئی تھی جس میں فیض حمید نے اپنے آبائی گاوں چکوال میں ایک عوامی اجتماع میں شرکت کی تھی، جس میں ایک نامعلوم شخص نیعوامی اجتماع سے خطاب کرتے ہوئے ریٹائرڈ جرنیل کی فوج کیلئے اور اپنے علاقے کیلئے خدمات پر ان کی تعریف بھی کی، ویڈیو میں ہی دیکھا جا سکتا ہے کہ اس شخص نے ریٹائرڈ جرنیل کو سیاست میں شرکت کی دعوت دی اور کہا کہ وہ ملک کی ترقی کیلئے کردار ادا کریں۔
