قومی اسمبلی سے استعفوں اور وزیراعلی پنجاب کے اعتماد کے ووٹ کے معاملے سے متعلق چیئرمین تحریک انصاف عمران خان نے پارٹی کی سینئر قیادت کا اجلاس آج زمان پارک میں طلب کرلیا۔
تفصیلات کے مطابق اجلاس میں حکومت مخالف جاری تحریک سمیت قومی اسمبلی سے استعفوں کی حکمت عملی پر غور کیا جائے گا ساتھ ہی وزیراعلی پنجاب کے اعتماد کے ووٹ کے حوالے سے معاملات زیر بحث آئیں گے۔
یاد رہے کہ گزشتہ روز ہی اسپیکر قومی اسمبلی نے استعفے منظورکرنے کی پاکستان تحریک انصاف (پی ٹی آئی)کی درخواست مسترد کرتے ہوئے کہا تھا کہ اجتماعی استعفی منظور نہیں کیے جائیں گے، ایک ایک کرکے پیش ہوں، تصدیق کریں استعفے منظور ہوجائیں گے۔
اسپیکرراجا پرویز اشرف اور پی ٹی آئی وفد کے درمیان جمعرات کو پارلیمنٹ ہاس میں ملاقات ہوئی۔ پی ٹی آئی وفد کی قیادت شاہ محمود قریشی کے بجائے اسد قیصر نے کی جبکہ پرویز خٹک بھی نہیں آئے۔
