اسمبلیوں کی تحلیل اور سندھ حکومت کا بلدیاتی حلقہ بندیوں کا نوٹیفکیشن واپس لینے کے معاملے پر الیکشن کمیشن نے اہم ترین اجلاس آج طلب کر لیا ہے۔
الیکشن کمیشن کے غیر معمولی اجلاس کی صدارت چیف الیکشن کمشنر سکندر سلطان راجہ کریں گے۔
اجلاس میں الیکشن کمیشن محکمہ بلدیات سندھ کے بلدیاتی انتخابات سے متعلق خط کا جائزہ لے گا۔
اجلاس میں صوبائی اسمبلیوں کی تحلیل کے بعد پیدا ہونے والی صورتحال پر بھی غور ہوگا۔
واضح رہے کہ رات گئے سندھ حکومت نے کراچی، حیدر آباد اور دادو میں بلدیاتی انتخابات ملتوی کرنے کا اعلان کرتے ہوئے نئی حلقہ بندیوں سے متعلق نوٹیفیکیشن بھی واپس لے لیا تھا۔
