دورہ آسٹریلیا کے دوران پاکستان ویمن ٹیم کو دوسرے ون ڈے میچ میں بھی شکست ہوگئی جس کے بعد آسٹریلوی ٹیم نے تین میچوں کی سیریز میں دو صفر کی برتری حاصل کرلی۔
برسبین میں دوسرے ون ڈے میچ میں پاکستان ویمن ٹیم نے ٹاس جیت کر پہلے بیٹنگ کا فیصلہ کیا اور پوری ٹیم 43 اوورز میں 125 رنز بنا کر آؤٹ ہوگئی۔
میچ میں ندا ڈار 24، بسمہ معروف 21 اور منیبہ علی نے 18 رنز بنائے۔
آسٹریلوی پلیئر ڈارسی براؤن نے 3، انابیل سدرلینڈ اور الانا کنگ نے 2،2 وکٹیں حاصل کیں۔
آسٹریلوی ویمن ٹیم نے ہدف بہت ہی آسانی کے ساتھ بنا کسی وکٹ کے نقصان پر 19.2 اوورز میں حاصل کرلیا۔
