اسلام آباد : سیشن عدالت نے خاتون جج کو دھمکی کے کیس میں چیئرمین پی ٹی آئی عمران خان کوآئندہ سماعت پیش ہونے کیلئے دوبارہ نوٹس جاری کردیا۔
تفصیلات کے مطابق سیشن عدالت میں عمران خان کی جانب سے خاتون جج کو دھمکی کے کیس کی سماعت ہوئی۔
چیئرمین پی ٹی آئی عمران خان آج بھی عدالت پیش نہیں ہوئے ، سپیشل پراسیکیوٹرکی جانب سے بیرسٹر اسامہ عدالت کے روبرو پیش ہوئے۔
عمران خان کی جانب سے جونیئر وکیل سردار مصروف پیش ہوئے ، عدالت نے عمران خان کو اگلی سماعت پر حاضری یقینی بنانے کی ہدایت کردی۔
سیشن عدالت نے عمران خان کوآئندہ سماعت پیش ہونے کیلئے دوبارہ نوٹس کردیا اور جج کے رخصت کے باعث سماعت 24 جنوری تک ملتوی کردی۔
