اسلام آباد اگست 10(ٹی این ایس)ملک بھر میں 14اگست بروز پیر کو یوم آزادی کے موقع پر عام تعطیل کا اعلان کر دیا گیا ہے جس کے باعث تمام سرکاری ، نیم سرکاری ادارے بند رہیں گے۔ اس موقع پر مختلف سیاسی ، سماجی ، مذہبی جماعتوں اور تنظیموں کے زیر اہتمام جشن آزادی کی تقریبات کا شایان شان انعقاد کیا جائے گا ،یوم آزادی کے مقدس موقع پر مسلم لیگ ، نظریہ پاکستان فائونڈیشن ، تحریک پاکستان ورکرز ٹرسٹ اور دیگر تنظیمو ں کی جانب سے کانفرنسز ، سیمینارز ، مذاکروں ، مباحثوں کا اہتمام کیا جا رہا ہے ،اسی طرح پاکستان آرٹس کونسل اور فیصل آباد آرٹس کونسل کی جانب سے خصوصی اصلاحی ، معلوماتی ، تفریحی سٹیج ڈراموں کے انعقاد کے ساتھ ساتھ مشاعرے بھی منعقد کئے جا رہے ہیں جن میں اہم شعراء ، ادیب ، مصنف ، دانشور اور تحریک پاکستان کے کارکنان کی شرکت یقینی بنائی جا رہی ہے