گورنر پنجاب بلیغ الرحمان سے لاہور میں چیئرمین سینیٹ صادق سنجرانی کی ملاقات ہوئی ہے۔
گورنر پنجاب سے چیئرمین سینیٹ نے گورنر ہاوس لاہور میں ملاقات کی، جس میں بلوچستان میں امن و امان اور موجودہ سیاسی صورتحال پر بات چیت کی گئی۔
گورنر پنجاب کا کہنا تھا کہ معاشی مشکلات کے تناظر میں تمام سیاسی جماعتوں کو ملک کے استحکام کے لئے متحد ہونے کی ضرورت ہے، ملک میں استحکام، عوام کی فلاح و بہبود اور اچھے کاموں کی حوصلہ افزائی ترجیح ہے۔ آئین اور قانون کی بالادستی میں ہی ملک کی بہتری ہے۔ وفاق کی مضبوطی کے لیے تمام اکائیوں کی یکساں ترقی بہت ضروری ہے۔
بلیغ الرحمان نے کہا کہ بلوچستان سمیت مختلف علاقوں سے طلبا کے کئی وفود گورنر ہاس پنجاب کا دورہ کر چکے ہیں، اچھے کاموں کی حوصلہ افزائی کے لیے گورنر ہاس کے دروازے کھلے ہیں۔
اس موقع پر چیئرمین سینیٹ صادق سنجرانی نے کہا کہ ایوان بالا عوامی فلاح کے لئے موثرقانون سازی کر رہا ہے۔
