بلوچستان یونیورسٹی آف انجینئرنگ اینڈ مینجمنٹ سائنسز ءَ اولی سئے روچی راجی یوتھ کانفرنس ءِ بنگیج بوت۔ یک شمبے ءِ روچ ءَ ادا جاڑی بوتگیں پریس ریلیز ءِ رد ءَ کانفرنس ءَ جتا جتائیں صوبگ آنی نودربر آنی مزنیں کساس ءَ بھر زوری کنگ ءَ انت۔ اے مراگش ءِ مول ءُ مراد سرجمیں ملک ءَ چہ ورنا آنی دیمروئی ءُ جتا جتائیں جیڈھ ءُ جاور آنی بابت ءَ سرپدی دیگ ءُ ورنا آنی استیں جیڈھ آنی گیواری ءِ واستہ یک پلیٹ فارمے پجاری کنگ انت
راجی یوتھ کانفرنس ءِ اولی روچ ءَ بلوچستان ءِ 180 نودبر آں ھوار 400 جنکیں نودبر آں بھر زوسری کتگ۔ کانفرنس ءِ بن گپ “جوانیں آیوکیں باندات ءِ واستہ ورنا آنی ازمکاری آناں کارمرز کنگ ، جیڈھ آنی پجار، مٹی ءِ واستہ ھما المی ایں سبب” ایر کنگ بوتگ انت۔ کاآرڈینیٹر یوتھ افیئرز نوابزادہ جمال رئیسانی ءَ کانفرنس ءَ ھاسیں مہمان ءِ بستار ءَ بھر زوری کت۔ اے موہ ءِ سر ءَ سیکرٹری اسپورٹس اسحاق جمالی ءُ کوآرڈینیٹر ٹو سر وزیر بلوچستان بابر یوسفزئی ءَ لیکچر دات ۔
