وزیراعظم محمد شہباز شریف ءِ ترک صدر رجب طیب اردوان ٹیل فون کرسا یونان نا خڑک بحیر ہ روم اٹی کشتی اسے نا چپی مننگ نا واقعہ ٹی پاکستانی تا مرک آتیا است ہسونی نا درشانی ءِ کرے۔ وزیراعظم آفس میڈیا ونگ آن جاری بیان نا رداٹ ترکیہ نا صدر کشتی شکست اٹی زوال کروک آ پاکستانی تا خاہوت آتیکن ترک حکومت و الس نا کنڈآن ہمدردی نا کلہو ءِ سرکرے۔ صدر رجب طیب اردوان واقعہ ٹی زوال کروک آتیکن بخشش و اوفتا خاہوت کن صبر وجمیل نا دعاکرے۔ وزیراعظم ہڑزخواہی و ہمدردی نا جوزہ غاتیا ترک صدر نا منت واری ءِ ہرفے۔ وزیراعظم محمد شہباز شریف پارے کہ مشکل نا داساہت اٹی پاکستانی حکومت و الس ترک صدر و ترک الس نا جوزہ غاتے قدر انا نظر اٹ ہریرہ
