پاکستان و جاپان برجاسال (2023)ٹی انسانی وسیلہ غاتا شونداری نا بابت اسکالر شپ پروگرام (جے ڈی ایس) بارواٹی دستاویز آتا ہل و تس و گرانٹ نا معاہدہ آ دستخط کریر۔ وزارت اقتصادی امور نا ترجمان نا رداٹ حکومت جاپان جائیکا نا کمک اٹ دا رداٹ 2.4 ملین ڈالر نا کمک فراوان کننگ اٹی ءِ۔ وزارت اقتصادی امور ڈویژن نا قائم مقام سیکرٹری محمد حمیر کریم و پاکستان اٹ جاپان نا ناظم الامور ایتوتا کیشی گرانٹ معاہدہ غا دستخط کریر۔ معاہدہ نا رداٹ بنجائی سول سروس نا آفیسر و ایکس کیڈر آفیسر آتے جاپان نا یونیورسٹی تیٹی ماسٹر آتا کہول آ 17 و پی ایچ ڈی نا کہول آ اسہ اسکالر شپ اسے نا اجرامریک ۔ داکان مست 2018 آن داتم اسکان 18 بندغ دا اسکالر شپ ءِ دوئی کرینو۔ دا پروگرام آن بیدس جاپان نا حکومت چنکو وخت اسے نا ہیلکاری کورس آتا کمک اٹ ہم سرکاری آفیسر آتا کاریم نا کچ اٹی گچینی کن کمک فراوان کننگ ءِ۔ قائم مقام سیکرٹری حمیر کریم و جوائنٹ سیکرٹری سعید اشرف صدیقی وظیفہ فراوان کننگ آ جاپان نا حکومت و الس نا منت واری ءِ ہرفے۔ اوپارے کہ دا معاہدہ ہڑتوم آ ملک آتا نیام اٹ بامعنی کمکاری نا درشانی ءِ۔ جاپان نا ناظم الامور و جائیکا نا سروک تین پہ تینی کمکاری ءِ پین سوگو کننگ کن پاکستان تون خڑکی کاریم ءِ برجاتخنگ نا یخین دہانی کرفے۔
